Miðasalan um landið fór afar vel af stað og eru aðeins örfá sæti laus í Höllinni á Akureyri þegar þetta er skrifað, enda eru tónleikarnir á Akureyri þeir stærstu hingað til. Í Höllinni sameinast helsta tónlistarfólk Norðlendinga Frostrósum á afmælistónleikum þar sem bæði er fagnað 10 ára tónleikaafmæli Frosrósa og 5 ára tónleikaafmæli á Akureyri.

Frostrósir fara nú stærstu tónleikaferð sína um landið hingað til og munu halda tónleika á 13 stöðum.

Frostrósir verða í fyrsta skipti á sunnanverðum Vestfjörðum með tónleika á Tálknafirði og á norðanverðum Austfjörðum með tónleika á Vopnafirði. Markmiðið er að allir Íslendingar geti sótt tónleika Frostrósa í heimabyggð eða næsta nágrenni á afmælisárinu.

 

Nánari upplýsingar um tónleikana má nálgast hér á síðunni, og fer miðasalan fram á harpa.is og midi.is