Fréttir

Kristinn Sigmundsson á fyrstu Frostrósum Klassík

"Við erum einstaklega stolt af því að Kristinn skuli vera með í því að ýta þessum fyrstu klassísku tónleikum Frostrósa úr vör", segir Samúel Kristjánsson, maðurinn á bakvið Frostrósaævintýrið. "Það er ávallt fagnaðarefni þegar hann kemst heim að syngja, enda einstaklega eftirsóttir listamaður hjá öllum stærstu óperuhúsum heimsins.”

Sálmar og helgilög í flutt í lok aðventu.

Frostrósir Klassík eru sérstakir hátíðartónleikar þar sem margir af fremstu einsöngvurum landsins syngja sígilda sálma og helgilög eftir íslenska og erlenda höfunda. Tveir fremstu tenórar landsins, þeir Jóhann Friðgeir og Garðar Thór Cortes koma fram, ásamt sópransöngkonunum Dísellu Lárusdóttur og Grétu Hergils auk  Kristins. Klassískur armur Stórhljómsveitar Frostrósa, sem skipuð er mörgum af bestu hljóðfæraleikurum landsins, meðal annars félögum úr Sinfóníuhljómsveit Íslands, leikur undir stjórn Árna Harðarsonar. Einnig syngja á tónleikunum félagar úr Karlakór Fóstbræðra, Óperukórinn og stúlkur úr Stúlknakór Reykjavíkur.

Miðasalan hefst 1. nóvember

Frostrósir Klassík verða í Háskólabíói 19. desember kl. 20.00 en miðasala hefst 1. nóvember á midi.is og frostrosir.is. Tekið skal fram að Frostrósir Klassík er ný viðbót við hina hefðbundnu Frostrósatónleikaröð sem haldin er frá 1. – 17 desember um allt land.

Til baka